श्रीमतीको चक्कु प्रहारबाट श्रीमान् घाइते बनेका छन् ।
बुधबार (मंसिर १७) बिहान पौने ४ बजे ३८ वर्षीया पवित्रा गुरुङले ३० वर्षीय श्रीमान् सुरज गुरुङमाथि प्रहार गरेकी हुन् ।
इलाका प्रहरी कार्यालय बुटवलका डीएसपी इन्द्र रानाले बुटवल उपमहानपालिका–११ नहरपुरमा घरायसी विवादमा श्रीमतीले चक्कु प्रहार गरी घाइते बनाएको जानकारी दिए ।
सुरजको टाउको र घाँटीमा चोट लागेको छ । उनलाई उपचारका लागि भैरहवास्थित युनिभर्सल मेडिकल कलेजमा लगिएको छ ।
घाइते सुरजको अवस्था खतरामुक्त रहेको चिकित्सकले जानकारी दिए ।
प्रहरीले महिलालाई नियन्त्रणमा लिएर थप अनुसन्धान अघि बढाएको डीएसपी रानाले जानकारी दिए ।
