राष्ट्रिय स्वतन्त्र पार्टी (रास्वपा)का सभापति रवि लामिछाने ‘बिरामी’ परेका छन् । लामिछानेलाई भाइरल ज्वरो आएको उनका स्वकीय सचिव अविनाश आचार्यले जानकारी दिए ।
“उहाँ (रवि लामिछाने)लाई भाइरल ज्वरो छ । दौडधुप र प्रेसरको कारणले होला,” आचार्यले भने, “पुरानो खुट्टाको घाउले होइन । खुट्टाको घाउ निको हुँदै छ ।”
आचार्यका अनुसार, लामिछाने अस्पताल भर्ना भएका छैनन् । उनी काठमाडौंको बूढानीलकण्ठस्थित निवासमा आराम गरेर बसिरहेका छन् ।
