बागमती प्रदेश कांग्रेस संसदीय दलको प्रमुख सचेतकमा गोविन्द लम्साल मनोनित भएका छन् । संसदीय दलका नेता बहादुरसिं लामाले लम्साललाई प्रमुख सचेतकमा मनोनयन गरेका हुन् ।
नेपाली कांग्रेस प्रदेश सभा संसदीय दलको वित्रान २०७४ कोे धारा ११ को उपधारा (१) बमोजिम लामाले लम्साललाई संसदीय दलको प्रमुख सचेतकमा मनोनयन गरेका छन् ।
लम्साल धादिङको प्रतिनिधिसभा क्षेत्र नं २ अन्तर्गत प्रदेश सभा (क) बाट निर्वाचित सांसद हुन् ।
बागमती प्रदेशमा कांग्रेस संसदीय दलको प्रमुख सचेतकबाट कुन्दनराज काफ्लेले राजिनामा दिएपछि उक्त पद रिक्त थियो ।
