ओखलढुंगाको मोलुङ गाउँपालिका–२ रामपुरका आगलागी पीडित परिवारलाई राज्य व्यवस्था तथा सुशासन समितिका सभापति रामहरि खतिवडाले आर्थिक सहयोग गरेका छन् । सभापति खतिवडाले अग्नि पीडित निम बहादुर सार्की र एक बहादुर सार्कीको परिवारलाई घरमै पुगेर प्रति परिवार दश हाजर आर्थिक सहयोग गरेका हुन् ।
जिल्लाबासी नागरिकलाई हरेक दुःख सुखमा साथ दिने वाचा अनुसार आगलागी पीडितलाई सहयोग गरेको खतिवडाले बताए ।
खतिवडाले निरन्तर जिल्लाबासीलाई साथ दिँदै आएका छन् ।
तिहारको समयमा दिपावलीको दियो र झिलीमिली बत्ती बाल्दा विद्युत सर्ट भएर निमबहादुर र एकबहादुरको घरमा आगलागी भएको थियो ।
रातिको समयमा भएको लागलागीबाट एउटै घरमा आधा–आधा भाग बनाई दुई दाजुभाई बस्दै गरेको इट्टा र सिमेन्टले बनेको टिनको छानो भएको एक तले पक्की घर, घरभित्र रहेका भाडवर्तन, त्ताकपडा, अन्नपात जल्दा १६ लाख ५० हजार बराबरको क्षति भएको थियो ।
