बागमती प्रदेशका अर्थमन्त्री बहादुरसिंह लामाले आगामी वर्षको बजेटले बागमतीको विकासको खाका कोर्ने बताएका छन् । दोलखा सदरमुकाम चरिकोटमा आयोजित एक कार्यक्रमलाई सम्बोधन गर्दै अर्थमन्त्री लामाले आगामी आर्थिक वर्षको बजेट निकै परिस्कृत आउने र त्यसले सबै प्रदेशबासीको माग सम्बोधन गर्ने बताएका हुन् ।
पुराना योजनामा अरबौ बजेट विनियोजन गर्नुपर्ने भएकाले नयाँ विकासका योजनामा बजेट कम भएको बताउँदै लामाले आगामी आर्थिक वर्ष बजेटमा नयाँ र प्रदेशका गौरबको आयोजनामा प्राथमिकताका साथ बजेट विनियोजन गर्ने बताए ।
अत्यधिक विकासका योजनाको माग आएपछि बजेट विनियोजनमा समस्या हुने भएपनि प्रदेश सरकारले आगामी वर्ष टुक्रे योजनामा बजेट विनियोजन नगर्ने मन्त्री लामाले बताएका छन् ।
उनले सबै पक्ष जिम्मेवार भएर विकास र समृद्धिमा जट्नुपर्ने बताएका छन् ।
