नेकपा एमाले धनकुटाको अध्यक्षमा शिव आङ्ला लिम्बूको प्यानलै निर्वाचित भएको छ । आङ्लाले ३१४ भोट पाउँदा प्रतिद्वन्द्वी निरेन तामाङ्ग २०७ भोटमा रोकिए ।
उपाध्यक्षमा चिन्तन तामाङ्ग, सचिवमा पर्शुराम नेपाल, उपसचिवमा नैन विश्वकर्मा र तुलसी राई निर्वाचित भएका छन् ।
लेखा समितिका ७ जनासहित ५५ सदस्य सर्वसम्मत चयन भएपछि पदाधिकारी र ३५ जना सदस्यका लागि मतदान भएको थियो । निर्वाचनमा ५ सय ४८ प्रतिनिधि सहभागी थिए ।
