संविधान सभाका अध्यक्ष सुवास चन्द्र नेम्वाङको स्मृतिमा राष्ट्रिय स्तरको मुट कोर्ट प्रतियोगिता हुने भएको छ । अनेरास्ववियु कानून तथा संघिय मामिला विभागको आयोजनामा भाद्र २६, २७ र २८ गते काठमाडौंमा हुने भएको हो ।
संविधानसभाका अध्यक्ष नेम्वाङले नेपालको कानुनी र राजनीतिक क्षेत्रमा गरेको योगदानलाई मरणोपरान्त सम्मान गर्ने उद्देश्यले प्रतियोगिता आयोजना गरिएको अनेरास्ववियु कानून तथा संघिय मामिला विभागले राजधानीमा पत्रकार सम्मेलन गरेर जानकारी दिएको छ ।
पत्रकार सम्मेलनमा अनेरास्ववियु कानून तथा संघिय मामिला विभागका अध्यक्ष गोपाल नेपालले संविधान निर्माण र विधिको शासन कायम गर्न स्वर्गीय नेता नेम्वाङले गरेको योगदानलाई सम्मान गर्दै विद्यार्थीहरुमा कानूनी शिक्षा र वकालत गर्ने सिपको विकास गर्न कार्यक्रम आयोजना गरिएको बताए ।
पत्रकार सम्मेलनमा अनेरास्ववियुका अध्यक्ष समिक बडालले स्वर्गीय नेता नेम्वाङको योगदानको चर्चा गर्दै उनको स्मृतिमा हुने कार्यक्रम भव्य बनाउनुपर्ने बताए ।
४ जना विद्यार्थीको एउटा टिम बन्ने छ । प्रतियोगितामा भाग लिन चाहने टिमले ७ दिन भित्र टिम दर्ता गराईसक्नुपर्ने छ ।
प्रतियोगिताको विजेता टिमलेले ५० हजार र उपविजेताले नगद २५ हजार नगदसहित मेडल, प्रमाणपत्र तथा ट्रफि प्रदान गरिनेछ ।
प्रतियोगिता नेपाली भाषामा विभिन्न ४ चरणमा सञ्चालन हुनेछ ।
