बागमती प्रदेशका मुख्यमन्त्री बहादुर सिंह लामाले आदिवासी जनजाति समुदायको पहिचान प्रवद्र्धन गर्नुपर्नेमा जोड दिएका छन् । नेपाल आदिवासी जनजाति महासंघ, जिल्ला समन्वय परिषद् चितवनले आयोजना गरेको ३० औँ विश्व आदिवासी दिवसलाई सम्बोधन गर्दै मुख्यमन्त्री लामाले पहिचानको धनी आदिवासी समुदायको भाषा, संस्कार र संस्कृतिको संरक्षण र प्रवद्र्धनमा जोड दिएका हुन् ।
मुख्यमन्त्री लामाले मुलवासी, आदिवासी समुदाय पहिचानमा धनी भएर पनि यसको संरक्षण हुन नसक्दा पहिचान विहिन हुने अवस्थामा आइपुगेको बताएका हुन् ।
सरकारले पहिचानका पक्षमा काम गर्ने तर समुदायले पनि अपनत्व लिने गरि काम गर्नुपर्ने बताए ।
एउटा समुदायको भाषा अर्को समुदायले प्रस्ट नबुझ्दा कतिपय नाम थर र स्थानको नाम बिग्रिएको बताउँदै त्यसका लागि आदिवासी जनजातिका भाषालाई गैर आदिवासी जनजातिलाई पनि बुझाउन आवश्यक रहेको उनको भनाई थियो ।
प्रदेश सरकारले जनताले देख्नेगरी काम गर्ने बताउँदै मुख्यमन्त्री लामाले जातीय समुदायको पहिचानलाई पर्यटनसँग जोडिने बताए ।
