कोशी प्रदेशका मुख्यमन्त्री हिक्मतकुमार कार्कीले हेल्लो सिएम सेवा सुरु गरेका छन् ।
यसअघि तत्कालीन मुख्यमन्त्री शेरधन राईले २०७४ सालमा १५–१५ दिनमा समस्या सुन्ने भन्दै ‘जनतासँग मुख्यमन्त्री’ कार्यक्रम सुरु गरेका थिए । यो कार्यक्रम अन्तर्गत मुख्यमन्त्रीले टेलिभिजन कार्यक्रममामार्फत आफ्ना कुरा राख्छन् ।
जनताको गुनासो व्यवस्थापनको लागि प्रदेशमा भिन्दै कक्ष राखिएको मुख्यमन्त्री कार्कीले बताए । मुख्यमन्त्री कार्कीले यो सुरुवातले शासकीय सुधारमा सहयोग पुग्ने बताए । सरकारका विभिन्न सेवा र निकायका काम कारबाहीलाई प्रभावकारी बनाउन हेल्लो सिएम महत्वपूर्ण हुने उनको भनाइ छ ।
जनताको जीउधन र विपद्सँग जोडिएका आपतकालीन काममा पनि यो प्रभावकारी हुने उनले बताए ।
मुख्यमन्त्री तथा मन्त्रिपरिषदको कार्यालयमा भिन्दै कक्ष निर्माण गरी कर्मचारीको समेत व्यवस्थापन गरेर हेल्लो सिएम सञ्चालनमा ल्याइएको छ ।
यस अन्तर्गत कोशी प्रदेश सरकारसँग भएका गुनासा वा अन्य सहयोगका लागि टोल फ्रि नम्बर १६६०२१५२००२ मा फोन गर्न सकिने छ ।
