सोलुखुम्बुको खुम्बु पासाङल्हामु गाउँपालिका-५ थामे गाउँमा बाढी आएको छ । गाउँपालिकाकाले हिम ताल फुटेकोले बाढी आएको आशंका गरेको छ ।
बाढीले थामे गाउँमा ठूलो क्षति भएको भन्दै दुधकोशी तटीय क्षेत्रकालाई सतर्कता अपनाउन आग्रह गरिएको छ ।
सोलुखुम्बुका प्रमुख जिल्ला अधिकरी देवी पाण्डेले भोटेकोशी साइड थामेमा ठूलो बाढी आएको बताइन् । उनले हिम पहिरो हो या ताल फुटेको हो भन्ने विषयमा भने बुझ्ने काम भइरहेको जानकारी दिइन् । बाढी आएकाले धेरै घर जोखिममा परेको छ ।
सोलुखुम्बु र ओखलढुंगासहितका दुधकोशी किनारका बस्तिमा उच्च सतर्कता अपनाउन अपिल गरिएको छ ।
ओखलढुंगाका प्रमुख जिल्ला अधिकारी नारायण ढकालले दुधकोशी आसपासका बस्तिमा सतर्कता अपनाउन र हुनसक्ने क्षति रोक्न अपिल गरेका छन् ।
