‘शी लिड्स आइकन’ कार्यक्रममा सहभागी हुन देशभरका १४० जना महिला जनप्रतिनिधिले आवेदन दिएका छन् । महिला जनप्रतिनिधिको प्रेरणादायी कार्यको सम्मानमा आयोजित ‘शी लिड्स आइकन’ कार्यक्रममा देशभरका १४० जना महिला पालिका अध्यक्ष र उपाध्यक्षले आवेदन दिएका हुन् ।
जन्मजात विभेद र मानव अधिकारको कमीको शिकार भई आएका महिलाको संघर्षको कदर गर्दै ‘कल्प इम्पावर वेमेन नेपाल’ले ‘शी लिड्स आइकन’ कार्यक्रमको आयोजना गरिएको छ । यो कार्यक्रम नेपाली महिला जनप्रतिनिधिको प्रेरणादायी कार्यलाई सम्मान गर्दै, विश्वस्तरमा उनीहरूको योगदान उजागर गर्ने उद्देश्यले आयोजना गरिएको हो ।
‘शी लिड्स आइकन’ कार्यक्रमले नेपाली महिलाहरूको राजनीतिक, सामाजिक, र सार्वजनिक जीवनमा उल्लेखनीय योगदानलाई सम्मान गर्दै, महिला नेतृत्वको उत्कृष्टता प्रोत्साहन गर्ने लक्ष्य राखिएको छ । यस कार्यक्रममार्फत चुनिएका महिला जनप्रतिनिधिको संघर्ष, अनुभव र योगदानलाई जनसमक्ष प्रस्तुत गरिने छ । जसले अन्य महिला जनप्रतिनिधिलाई प्रेरित गर्ने आयोजक कल्प इम्पावर वेमेन नेपालका अध्यक्ष पुजा कोइरालाले बताइन् ।
कार्यक्रमको शुरुआतमा महिला जनप्रतिनिधिलाई खुल्ला रूपमा आवेदन दिने आव्हान गरिएको थियो । जसमा कुल १४० जना महिला जनप्रतिनिधिको आवेदन प्राप्त भएको छ । आवेदन फारामहरूको संकलन विभिन्न जिल्लाबाट गरिएको थियो । आवेदनबाट २७ जना सर्ट लिष्टमा परेका छन् ।
‘शी लिड्स आइकन’ मा बाग्लुङको बडिगाड गाउँपालिका अध्यक्ष गण्डकी थापा, सुनवल नगरपालिकाकी मेयर विमला अर्याल लगायत छन् ।
चयन भएका प्रतिनिधिलाई जनमतको लागि प्रस्ताव गरिएको र जनमत अनलाइन प्रणाली (इसेवा) र अफलाइन मोबाइल म्यासेज प्रणालीबाट संकलन गरिएको बताइएको छ । जनमतको आधारमा ३ जना ‘शी लिड्स आइकन’को रूपमा चयन गरिने बताइएको छ । छनोट भएका महिला जनप्रतिनिधिको कार्यस्थलमा गई नेपाल वृत्तचित्र तयार गरिने आयोजकको भनाइ छ ।
निर्णायक मण्डलमा राजनीतिक क्षेत्रबाट अष्टलक्ष्मी शाक्य, सामाजिक क्षेत्रबाट सरु जोशी, मिडिया क्षेत्रबाट चारु चड्डा छन् ।
को को छन सहभागी महिला जनप्रतिनिधि ?
कोशी प्रदेशः – झापाः मीना कुमारी खतिवडा पौडेल (उपप्रमुख) – मोरंगः आशा शिवाकोटी (उपप्रमुख) – तेह्रथुमः गीता देवी तिम्सिना गौतम (उपाध्यक्ष) – झापाः रेगीना भट्टराई प्रसाई (उपप्रमुख)
सुदूरपश्चिम प्रदेशः – अछामः विमला कुमारी शाही (उपाध्यक्ष) – बाजुराः सीता थापा (उपाध्यक्ष) – बैतडीः धाना धामी (उपाध्यक्ष)
लुम्बिनी प्रदेशः – पाल्पाः सरस्वती दर्लामी चिदी (अध्यक्ष) – नवलपरासीः विमला अर्याल (प्रमुख) – रुकुम पूर्वः भुपेन्द्रा बुढा (उपाध्यक्ष) – गुल्मीः सीता गिरी (उपाध्यक्ष), सरिता खड्का (उपाध्यक्ष) – रुपन्देहीः सावित्रा देवी अर्याल (उपप्रमुख) – रोल्पाः गीता आचार्य (उपप्रमुख)
मधेश प्रदेशः – पर्साः ममता महतो (उपाध्यक्ष) – धनुषाः फुल कुमारी सिंह (उपाध्यक्ष)
बागमती प्रदेशः – धादिङः सविता अर्याल (उपाध्यक्ष) – रामेछापः बाल कुमारी कार्की थापा (उपप्रमुख) – काभ्रेपलाञ्चोकः तारा राना तिमल्सिना (उपाध्यक्ष), विमला सापकोटा (दाहाल) (उपप्रमुख)
गण्डकी प्रदेशः – बागलुङः गण्डकी थापा अधिकारी (अध्यक्ष) – म्याग्दीः दिवा कुमारी तिलिजा पुन (उपाध्यक्ष) – गोरखाः रीता देवकोटा (उपाध्यक्ष)
कर्णाली प्रदेशः – कालिकोटः अल्किना बम (उपाध्यक्ष) – सल्यानः सनसिल्ता वली (डिसी) (उपाध्यक्ष) – दैलेखः तप्ता थापा (उपप्रमुख), मञ्जु कुमारी शर्मा (पाण्डे) (उपाध्यक्ष)
ल्प इम्पावर वेमेन नेपाल महिला सशक्तिकरण र सार्वजनिक जीवनका विभिन्न क्षेत्रहरूमा वकालत गर्दै आएको सामाजिक संस्था हो ।
यो संस्थाले महिलाहरूको स्वास्थ्य, उद्यमशीलता, किशोरी सशक्तीकरण र राजनीतिमा महिला सहभागिता बढाउने विभिन्न कार्यक्रमहरू सञ्चालन गर्दै आएको छ । यस कार्यक्रमले महिला जनप्रतिनिधिहरूको कार्य र संघर्षलाई समाजमा प्रोत्साहन गर्ने अवसर प्रदान गर्दै, महिला नेतृत्वको महत्वलाई उजागर गर्न महत्वपूर्ण भूमिका खेल्नेछ ।
