पार्टी सभापति रवि लामिछानेलाई पक्राउ गर्न लागिएको भन्दै राष्ट्रिय स्वतन्त्र पार्टीका कार्यकर्ताले विरोध जनाएका छन् । सहकारी ठगिको बहानामा राजनीतिक प्रतिशोध साँधेर सभापति लामिछानेलाई पक्राउ गर्न खोजिएको भन्दै रास्वपाका कार्यकर्ताले विरोध जनाएका हुन् ।
काठमाडौं स्थित पार्टी कार्यालयमा राश्वपाका नेता कार्यकर्ताको बाक्लो उपस्थिती छ । हिजोँ साँझ देखि नै राश्वपाका रानजधानीमा उपलब्ध नेता कार्यकर्ता पार्टी कार्यालय परिषद्मा छन् ।
उता रवि पक्राउ नगर्न माग गर्दै उनका कार्यकर्ताले पोखरामा विरोध प्रदर्शन गरेका छन् ।
पोखरा सहिद चोकमा रास्वपा गण्डकीको संयोजनमा विरोध प्रदर्शन गरिएको छ ।
उनीहरुले सहकारीपीडितलाई न्याय देउ भन्दै प्लेकार्ड समेत बोकेका थिए ।
रास्वपा गण्डकी सभापति राजन गौतमले सभापति रवि लामिछानेलाई सरकारले फसाउन षड्यन्त्र गरेको बताए । उनले सभापतिलाई गर्दै नगरेको काण्डमा फसाउन लागेको दाबी गरे ।
सहकारी मार्फत जम्मा भएको रकम गोरखा मिडियामा रवि लामिछानेसहितका व्यक्तिले अपचलन गरेको भन्दै संसदिय छानविन समितिले कारबाहीका लागि सिफारिस गरेको थियो । समितिको सुझावका आधारमा सरकारले सहकारी ठगिमा संलग्नलाई कारबाही गर्न सुरु गर्दै गोरखा मिडियाका तत्कालिन सञ्चालक पूर्व डिआइजी छवी लालजोशीलाई पक्राउ गरिसकेको छ ।
प्रहरी स्रोतका अनुसार रवि लामिछानेलाई पनि पक्राउ गरेर मुद्दा चलाउने तयारी छ । यद्यपि लामिछानेले आफुलाई पक्राउ गरे देशभरबाट राश्वपाका कार्यकर्ताले कडा प्रतिवाद गर्ने चेतावनी दिएका छन् ।
