भोटेकोसी नदीले लार्चाको पुल बगाएको छ । अरनिको राजमार्गअन्तर्गत सिन्धुपाल्चोकको भोटेकोसी गाउँपालिकामा पर्ने लार्चा खोलाको बेलिब्रीज बाढीले बगाएको हो ।
लगातारको वर्षासँगै आएको बाढीले शनिबार बिहान लार्चाको पुल बगेपछि तातोपानी नाकासँगको सम्पर्क टुटेको छ ।
वर्षापछिको बाढी र पहिरोका कारण सडक, पुल र अन्य पूर्वाधारमा क्षति पुगेको भोटेकासी गाउँपालिकाका अध्यक्ष पासाङ नुर्पु शेर्पाले बताए । थप जनधनको क्षति हुन नदिन उच्च सतर्कता अपनाउन अपिल गरिएको अध्यक्ष शेर्पाको भनाई छ ।
अहिले भोटेकोसीको जलसतह बढ्दो क्रममा रहेकाले तातोपानी, बाह्रबिसे लगायतका बजार तटीय क्षेत्र जोखिममा परेका छन् ।
