नेकपा एमाले तेह्रथुमको अध्यक्षमा शिवप्रसाद ढुङ्गाना निर्वाचित भएका छन् ।
तेह्र्थुम एमालेको अधिवेशनाअ गोविन्दराज श्रेष्ठलाई पराजित गर्दै ढुङ्गाना अध्यक्षमा निर्वाचित भएका हुन् । अधिवेशनमा सर्वसम्मत नेतृत्व चयन हुन नसकेपछि निर्वाचन भएको थियो ।
निर्वाचनमा ढुङ्गानाले २२६ मत पाए भने श्रेष्ठले २०४ मत पाएका थिए । उपाध्यक्षमा सन्तोष तिगेला सर्वसम्मत निर्वाचित भएका थिए । सचिवमा भने तारामान मादेन निर्वाचित भएका छन् ।
मादेनले छत्रप्रसाद रिमाललाई २६ मतले पराजित गरेका हुन् । मादेनले २२६ र रिमालले २०२ मत प्राप्त गरे । खुला उपसचिवमा यादवबहादुर खापुङ निर्वाचित भएका छन् । खापुङले २२० मत पाउँदा अर्जुन ढुङ्गानाले २०८ मत प्राप्त गरेका छन् ।
त्यसैगरी महिला उपसचिवमा तारा ढकाल निर्वाचित भएकी छन् । ढकालले १७५ मत प्राप्त गरेकी छन् । सरिता खड्काले १६५ मत ल्याएकी थिइन् ।
