सोलुखुम्बुको नेचासल्यान गाउँपालिकाका ३० जना युवालाई ४ हप्ते (१६० घण्टाको) सुरक्षा गार्ड तालिम दिइएको छ । युवालाई रोजगारीमा प्रेरित गर्न सुरक्षा गार्ड तालिम दिइएको हो ।
ब्रिटिस सेक्युरेटि सर्भिस प्रालिको आयोजना तथा व्यवसायिक तथा सिप विकास तालिम केन्द्र ओखलढुंगाको वित्तीय सहयोगमा र नेचासल्यान गाउँपालिकाको सहकार्यमा सञ्चालित तालिम बुधबार सम्पन्न भएको हो ।
नेचासल्यान गाउँपालिकाका अध्यक्ष धनजन राईको प्रमुख आथित्यतामा सम्पन्न भएको कार्यक्रममा उपाध्यक्ष बिना राई, ब्रिटिस सेक्युरेटटि सर्भिस प्रालिका प्रबन्धक निर्देशक भोजकुमार श्रेष्ठ, नेचासल्यान गाउँपालिकाका प्रशासकीय अधिकृत र प्रहरी निरीक्षक पुष्प दर्लामीले परिक्षार्थीलाई शुभकामना दिँदै स्वरोजगार बन्न प्रोत्साहन गरेका छन् ।
तालिममा नेचासल्यान गाउँपालिका भित्रका ३० जना युवा युवती सहभागी थिए । तालिमको लोकेन्द्र मगरले सहजिकरण गरेका थिए ।
