झापाबाट काठमाडौं फर्किन लागेका पूर्वराजा ज्ञानेन्द्र शाहको स्वागतका लागि दुर्गा प्रसाईं त्रिभुवन अन्तर्राष्ट्रिय विमानस्थल पुगेका छन् । ज्ञानेन्द्र शाह झापाबाट फर्किन लागेपछि प्रसाईंसहित ठूलो सख्यामा समर्थकहरू विमानस्थल पुगेका हुन् । अन्यलाई विमानस्थल गेट प्रवेशमा रोक लगाइएको छ ।
प्रसाईंको गाडीलाई भने प्रहरीले गेटभित्र प्रवेश दिएको छ । शाहको समर्थनमा उत्रिएका प्रदर्शनकारीका कारण सुरक्षा जोखिम बढ्ने भन्दै प्रशासनले विमानस्थल क्षेत्रमा निषेधाज्ञा समेत जारी गरेको छ । विमानस्थलदेखि निर्मल निवाससम्म ठूलो संख्यामा सुरक्षाकर्मी परिचालन गरिएको छ ।
उनी हेलिकोप्टरबाट काठमाडौं फर्कन लागेका हुन् ।
