काठमाडौं । गृहमन्त्री रवि लामिछानेले मुद्वा हार्दा खोटाङका सांसद रामकुमार राई पासाङले खुसियाली मनाउँदै लोकल भाले काटेर खाएका छन् । गृहमन्त्री लामिछानेलाई नागरिकता सम्बन्धी मुद्वामा दोषी ठहर गर्दै सर्वोच्चले उपप्रधान तथा गृहमन्त्री र रास्वपा पार्टीको सभापति पदमा रहन नसक्नेगरि फैसला गरेपछि खोटाङका सांसदले फेसबुकम गैरजिम्मेवार अभिव्यक्ति दिएका हुन् ।
माओवादी नेता तथा पूर्वमन्त्री समेत रहेका सांसद राईले फेसबुकमा लेखेका छन् `लोकल भाले काटेर पो खाइयो ।´
स्ट्याटसपछि धेरैले सांसद राईको अभिव्यक्तिको आलोचना गरेका छन् । सांसद राईले यसअघि एमसिसि पास हुँदा पनि उत्तेजित अभिव्यक्ति दिएका थिए ।
लामिछानेको फैसलाका बारेमा पनि मिश्रित प्रतिक्रिया आइरहेका छन् ।
