बझाङको दुर्गाथली गाउँपालिकाले ४१ करोड ८२ लाख २४ हजार ६ सय बजेट ल्याएको छ । पूर्वाधार विकासलाई प्राथमिकता दिएर दुर्गाथलीले आगामी वर्षको बजेट तर्जुमा गरेको हो ।
दुर्गम क्षेत्रको गाउँपालिका भएकाले पूर्वाधार विकासलाई गतवर्ष देखिनै प्राथमिकतामा राख्दै आएकाले आगामी वर्षपनि भौतिक पूर्वाधारका योजनालाई जोड दिएको गाउँपालिका अध्यक्ष दिलबहादुर थापाले बताए । पछिल्लो समय स्थानीय सरकारको सकृयतामा भएको कामले विकासमा गाउँपालिकाले फड्को मारेको उनको दावी छ । स्थानीय सरकारको स्रोत साधनले पर्याप्त विकास गर्न नसकिने भएकाले माथिल्ला सरकार र दातृ निकायलाई दुर्गाथलीमा लगानी बढाउन अपिल गरिएको अध्यक्ष थापा बताउँछन् ।
आगामी वर्षका लागि गाउँपालिकाले पालिकाको प्रशासनिक भवन निर्माणका लागि ९ करोड ५१ लाख १० हजार, जाफ्री खानेपानीमा प्रदेश समपुरक ८० लाख, नयाँखोला पिल्लेसी–शिल्काबाडा सडक निर्माणका लागि १ करोड, प्रकोष व्यवस्थापन कोष ५० लाख, स्काइभेटर खरिदको भुक्तानी दिनबाँकी ६२ लाख, एमविविएस पढ्ने विद्यार्थीलाई छात्रवृत्ति दिन १५ लाख, शिक्षा र स्वास्थ्यका करार कर्मचारीलाई तलव भत्ताका लागि २ करोड, अध्यक्ष स्वास्थ्य कार्यक्रमका लागि ६ लाख उपाध्यक्ष कोशेली कार्यक्रमका लागि १० लाख, अतिथि सत्कारका लागि ७ लाख, सेफ हाउस निर्माणका लागि १ लाख जनप्रतिनिधिको सामुहिक बीमाका लागि ४ लाख, कर्मचारीको तलव भक्ता र पदाधिकारीको सेवा सुविधा तथा कार्यालय सञ्चालनमा एकमुष्ट ७ करोड ५३ लाख ४९ हजार ६ सय बजेट विनियोजना, शसर्त कार्यक्रममा १५ करोड ९३ लाखलगायतका शिर्षकमा बजेट विनियोजन गरेको छ ।
