ओखलढुंगाको खिजीदेम्बा गाउँपालिकाका मुटुरोगी बालबालिकाको निःशुल्क उपचार हुने भएको छ । गाउँपालिकाको पहलमा पालिकाभित्रका १५ बर्ष मुनिका बालकालिकाको निःशुल्क उपचार गरिने भएको हो ।
शहिद गंगलाल ह्रदयरोग केन्द्र बासबारी काठमाण्डौमा सउल नेसनल युनिभर्सिटी कजेल एण्ड मेडिकल साइन्स को सहकार्यमा मुटुरोगी बालकालिकाको निःशुल्क उपचार हुनेछ ।
आगामी असार २९ देखि साउन ५ गतेसम्म काठमाण्डौमा निःशुल्क उपचारको प्रबन्ध मिलाइएको गाउँपालिकाका स्वास्थ्य शाखा संयोजक इन्द्रप्रसाद गौतमले जानकारी दिए ।
उनका अनुसार गाउँपालिकाले उपचारको लागि जाने बालबालिकालाई यातयातको समेत व्यवस्था गरिदिनेछ ।
