अन्डर १९ क्रिकेट विश्वकपको एसिया छनोट खेल नेपालमा हुने भएको छ । आगामी वर्षको अप्रिल १२ देखि २१ गतेसम्म हुने छनोट खेल नेपालले आयोजना गर्ने जिम्मेवारी पाएको हो ।
एसिया छनोटमा नेपाल, अफगानिस्तान, हङकङ, ओमान र युनाइटेड अरब इमिरेट्स (युएई) खेल्ने छन् ।
प्रतियोगिताको विजेताले सन् २०२६ मा जिम्बाब्वे र नामिबियामा हुने यु १९ विश्वकपमा सहभागी हुन पाउने नेपाल क्रिकेट संघ (क्यान) ले जनाएको छ ।
यसअघि नेपाल यूएईलाई फाइनलमा पराजित गर्दै विश्वकपमा छनोट भएको थियो ।
