गोकर्णेश्वर नगरपालिकाका मेयर दिपक रिसालालले स्वास्थ्य क्षेत्र व्यवस्थित बनाउन प्रधानमन्त्री र स्वास्थ्य मन्त्रीको ध्यानाकर्षण गराएका छन् ।
नेपाल मेडिकल कलेज स्थापनाको २५ औं वर्ष पुगेको अवसरमा आयोजित रजत जयन्ती समारोहमा मेयर रिसालले प्रधानमन्त्री केपी शर्मा ओली र स्वास्थ्य मन्त्री प्रदीप पौडेललाई नागरिकको स्वास्थ्य जाँच र उपचार सेवालाई प्रभावकारी बनाउने गरी नीतिगत व्यवस्था गर्न ध्यानकर्षण गराएका हुन् ।
नेपालमा सञ्चालित मेडिकल कलेजहरु व्यवस्थित बनाएर सञ्चालन गरे अध्ययनका लागि विदेश जाने अवस्था रोकीने मेयर रिसालले बताए । स्थानीय तहको मात्रै प्रयासले स्वास्थ्य क्षेत्रमा आशातीत परिवर्तन आउन नसक्ने भएकाले केन्द्र सरकारले नीतिगत काम गर्नुपर्ने उनको भनाइ थियो ।
नेपाल मेडिकल कलेज स्थापनाको २५ औं वर्ष रजत जयन्तीको अवसरमा आयोजित विशेष समारोहमा प्रधानमन्त्री केपी शर्मा ओली, स्वास्थ्य तथा जनसंख्यामन्त्री प्रदीप पौडेललगायतको उपस्थिति थियो ।
