सिन्धुपाल्चोकको बाह्रबिसे नगरपालिकामा अवस्थित ऐतिहासिक तथा धार्मिक महत्व बोकेको क्षेमा देवी मन्दिर स्थानीय बासिन्दा तथा भक्तजनको आस्थाको केन्द्र बनेको छ ।
देवी क्षेमाले भक्तजनको संकट टार्ने र मनोकामना पूरा गर्ने गर्छिन् । विशेषगरी कार्तिक पुर्णिमा ,धन्य पुर्णिमा,शिवारात्री र चण्नी पुर्णिमाको समयमा यहाँ पूजाआजा तथा मेलाको भीड लाग्ने गर्छ । भक्तजनहरू दुरदराजबाट यहाँ पुगी देवीलाई बलि, धूप, दीप र प्रसाद चढाउने परम्परा रहेको क्षेमा देवी मन्दिरका पुजारी दिप बहादुर श्रेष्ठले अनलाइन सरोकरालाई बताउनु भयो ।
मन्दिर परिसरलाई स्थानीय सरकारले संरक्षण गर्दै आएका छन् भने नगरपालिकाले यसलाई धार्मिक पर्यटन स्थलका रूपमा विकास गर्ने योजना बनाएको छ । धार्मिक आस्था मात्र नभई सांस्कृतिक र पर्यटन दृष्टिले पनि क्षेमा देवी मन्दिर महत्वपूर्ण मानिन्छ ।
