ओखलढुंगा । हाँस्य कलाकार सुबोध गौतम (एदुमे) लाई पितृशोक परेको छ । नेपाली हाँस्य जगतका चर्चित कलाकार गौतमका बुबा शिवकुमार गौतमको ६२ बर्षको उमेरमा आईतवार ओखलढुंगामा निधन भएको हो ।
केही वर्षदेखी दमको व्यथाले थलिएका गौतमको स्वास्थ्य अबस्थामा समस्या भएपछि केही महिना अघि ओखलढुंगा सामुदायिक अस्पतालमा उपचार गराईएको थियो । सामुदायिक अस्पतालमा करीब २ हप्ता सम्म राखेर उपचार गरिएपछि घर लगिएको थियो । घरमा नै उहाँलाई अक्सिजन सिलिन्डरको व्यबस्था समेत गरिएको थियो । थप उपचारका लागि पहल भईरहेकै अवस्थामा आईतबार निधन भएको पारिवारिक स्रोतले जनाएको छ ।
हास्यकलाकार गौतमका चार दाजुभाई र दुई दिदी वहिनी छन् । चार दाजुभाइ मध्ये सुबोध कान्छा हुन् । हास्यकलाकार गौतम चर्चित हास्य टेलिसिरियल सक्किगोनीका एदुमे हुन् । उनको एकदुम सँगले भन्ने थेगो चर्चामा छ ।
उनले एक सय भन्दा बढि मानिस तथा जिवजनावरका आवाज निकालेर दर्शक तथा स्रोताहरुको मन जित्दै आएका छन् ।
