काठमाडौं ।सर्वोच्च अदालतका न्यायाधीश पुरूषोत्तम भण्डारीलाई कोरोना देखिएको छ।
सर्वोच्च अदालत प्रशासनले एक सूचना जारी गर्दै न्यायाधीश, अधिकृत र कर्मचारीलाई कोरोना देखिएको जनाएको छ। सूचनामा नाम भने उल्लेख गरेको छैन। कति जना कर्मचारीमा कोरोना देखिएको हो भन्ने पनि सूचनामा उल्लेख छैन।
सर्वोच्च अदालत स्रोतले न्यायाधीश भण्डारी र अरू तीन कर्मचारीलाई कोरोना देखिएको बताएको छ। कर्मचारी हरि भट्टराईले पनि आफूलाई कोरोना संक्रमण भएको बताए।
संक्रमित न्यायाधीश र कर्मचारी तथा उनीहरूसँग सम्पर्कमा आएका न्यायाधीश र कर्मचारीहरू सबै आफ्नो घरमा आइसोलेसन र क्वारेन्टिन बसेको सर्वोच्चको सूचनामा उल्लेख छ।
