सरकारले गण्डकी प्रदेशमा कृषि कार्यालय स्थापना गर्ने भएको छ । गण्डकी प्रदेश सरकारले प्रदेशका ११ वटै जिल्लामा कृषि ज्ञान केन्द्र, भेटेरिनरी अस्पताल र पशु सेवा विज्ञ केन्द्रस्थापना गर्ने भएको हो ।
राष्ट्रिय चिया तथा कफी विकास बोर्डले पोखरामा आयोजना गरेको स्थानीय सरकार र प्रदेश सरकारका बीच समन्वय तथा अन्तरक्रिया कार्यक्रममा भूमि व्यवस्था कृषि तथा सहकारीमन्त्री लेखबहादुर थापामगरले आगामी एक साताभित्रमा सबै जिल्लामा कार्यालय स्थापना गरिने बताए । कार्यालय खोल्नका लागि सङ्गठन तथा व्यवस्थापनस्वीकृत भइसकेकाले केही दिनमै कर्मचारी व्यवस्थापन गरी कार्यालय सञ्चालनमा आउने उनको भनाई छ ।
