काठमाडौं । कोरोना संक्रमणबाट पूर्व महालेखा परीक्षक खेमप्रसाद दाहालको निधन भएको छ । ओखलढुंगाको कटुञ्जे स्थायी ठेगाना भएका ६६ वर्षिय दाहालको सोमबार साँझ राजधानी स्थित नेपाल प्रहरी अस्पतालमा उपचारका क्रममा निधन भएको हो ।
दाहाललाई कोरोना संक्रमण भएपछि ८ दिन देखि भेन्टीलेटरमा राखिएको थियो । कोरोना संक्रमण भएपछि उनलाई फोक्सो र मृगौलामा समस्या देखिएको थियो ।
उपचारमा संलग्न चिकित्सको सल्लाह अनुसार भारतबाट खोप सहितका औषधी समेत ल्याईएको भएपनि त्यो औषधी प्रयोग गर्न नपाउँदै दाहालको निधन भएको उनका भतिज सुमन दाहालले बताए । कोरोना संक्रमण हुनुअघि उनमा कुनै रोगको समस्या थिएन ।
दाहालले लामो समय महालेखा परीक्षक भएर काम गरेका थिए ।
