सुनवलका निवर्तमान प्रमुख थापाद्वारा तलब भत्ता बापत लिएको १८ लाख बढि रकम नगरपालिकामा फिर्ता
सुनवल नगरपालिकाका संस्थापक नगर प्रमुख भिमबहादुर थापा क्षेत्रीले विभिन्न किसिमका सुविधा र भत्ताहरु फिर्ता गरेका छन् । क्षेत्रीले ती सुविधा र भत्ता मार्फत प्राप्त हुने रकम नगरपालिकाको संचीत कोष र दैनिक प्रकोप उद्दार विशेष कोषमामा फिर्ता गराएका हुन् ।
आफ्नो कार्यकाल अवधीभर प्राप्त हुने सुविधा र भत्ता फिर्ता गरेको नगर कार्यपालिकाका प्रमुख प्रशासकीय अधिकृत अशोक कोईरालाले एक सुचना मार्फत जानकारी दिए ।
फिर्ता गरिएको रकमको विवरण अनुसार क्षेत्रीले मासिक सुविधा अन्तर्गत प्राप्त हुने रकम १४ लाख ८६ हजार २३०, दैनिक भ्रमण भत्ता १ लाख ४१ हजार ३ सय ७४ र बैठक भत्ता २ लाख २३ हजार ८ सय २० कार्यकाल अवधीभरको रकम फिर्ता गरिएको बताईएको छ ।
