काठमाडौं । ट्याक्सी व्यवसायी र चालकहरुले यातायात व्यवस्था विभाग अगाडि ट्याक्सी छोड्ने निणर्य गरेका छन् । ट्याक्सी चलाउन पाउनु पर्ने माग सहित प्रर्दशनमा उत्रिएका उनीहरुले ट्याक्सी विभाग अगाडि नै पार्किङ गर्ने निर्णय गरेका हुन् ।
सरकारले व्यवसायीको माग सम्बोधन नगरेको कारण विभाग अगाडि पार्किङ गर्ने निणर्य गरिएको उपत्यका ट्याक्सी व्यवसायी तथा चालक सेवा समाजका केन्द्रिय सदस्य दिलिप कुमार श्रेष्ठले जानकारी दिए ।
हाल विभाग अगाडि करिव ४ सय ५० ट्याक्सी रहेको र बुधबारबाट अन्य चालकले पनि ट्याक्सी विभाग अगाडि ल्याउने श्रेष्ठले बताए । यसअघि ट्याक्सी चलाउन पर्ने मागसहित ट्याक्सी व्यवसायी र चालकले यातायात व्यवस्था विभागका महानिर्देशक गोगन बहादुर हमाललाई ज्ञापन पत्र बुझाएका थिए । मागको सुनुवाई नभएपछि उनीहरुले यातायात व्यवस्था विभाग घेराउ गरी नारा बाजी गरेका हुन् ।
सम्बन्धित समाचार
