पाल्पा । गएरातिदेखि परेको अविरल वर्षाका कारण सिद्धार्थ राजमार्ग अन्तर्गत पाल्पा–बुटवल सडक खण्ड अवरूद्ध बनेको छ । सिद्धवाबा क्षेत्रमा पहिरो खस्दा बिहानैदेखि सडक अवरुद्ध भएको हो । सडकमा लेदोसहित ढुङ्गा खसेको प्रहरीले जनाएको छ ।
रातिदेखि निरन्तर वर्षा भएका कारण तत्काललाई सडक खुलाउन सक्ने अवस्था नरहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए ।
थापाका अनुसार दोभान प्रहरी चेक पोष्टदेखि चिडियाखोलासम्म आधा दर्जन स्थानमा ढुङ्गा र पहिरो खसेको छ । सडक अवरूद्ध हुँदा पाल्पादेखि बुटवल र बुटवलबाट पाल्पातर्फ सयौँ सवारीसाधन बाटोमा रोकिएका छन् ।
