काठमाडौं । देशभरका सरकारी वेबसाइट डाउन भएको छ । राष्ट्रिय सूचना प्रविधि केन्द्रको सर्भरमा होस्ट भएका सरकारी वेबसाइट बुधबार दिउँसोदेखि नचलेको पाइएको छ ।
केन्द्रका उपनिर्देशक रमेश पोखरेलले दिएको जानकारी अनुसार विद्युत अनियमित (इलेक्ट्रिसिटी फ्लक्चुएसन) हुँदा जेनेरेटरमा समस्या आएकाले सरकारी वेबसाइट नचलेका हुन् ।
समस्या पहिचान भइसकेको र समाधानका लागि काम भइरहेको समेत उनले जानकारी दिए ।