बुटवल । पाल्पाको अर्घलीमा टिप्पर दुर्घटना हुँदा टिप्पर चालक गम्भीर घाइते भएका छन् । गुल्मीबाट तानसेन तर्फ आईरहेको लु २ ख १३५३ नम्बरको टिप्पर पाल्पा तानसेन नगरपालिका १४ कमलपोखरीमा सडकबाट ३०० मिटर तल खसेको प्रदेश ट्राफिक प्रहरी कार्यालय बुटवलले जनाएको छ ।
अनियन्त्रित भई सडकबाट ३०० मिटर तल खोलामा टिप्पर खस्दा टिप्पर चालक गुल्मी छत्रकोट ४ का शंकर पन्त गम्भीर घाइते भएको प्रदेश ट्राफिक प्रहरी प्रवक्ता डीएसपी मोहनबहादुर खाँणले बताए ।
घाइते चालकको उपचारका लागि पाल्पा तानसेन स्थित मिशन अस्पतालमा पठाइएको डीएसपी खाँणले बताए ।
