कैलाली। राना थारु समुदायको तीज पर्वका अवसरमा कञ्चनपुरका दुई पालिकामा सार्वजनिक बिदा दिइएको छ ।
राना थारु समुदायको तीज विसर्जन हुने दिन साउन १५ आज बेलौरी नगरपालिका र शुक्लाफाँटा नगरपालिकाले सार्वजनिक बिदा दिने निर्णय गरेको हो ।
बेलौरी नगरपालिकाको नवौँ नगर सभाको निर्णयअनुसार राना थारु समुदायका तीज पर्वका लागि नगरपालिका मातहतका कार्यालयमा बिदा दिने निर्णय गरेको नगरप्रमुख पोतिलाल चौधरीले बताए ।
शुक्लाफाँटा नगरपालिका मातहतका कार्यालयमा कार्यरत राना थारु समुदायका कर्मचारीलाई बिदा दिने निर्णय गरेको छ । कैलाली कञ्चनपुरमा ठुलो संख्यामा राना थारु समुदायका नागरिकहरूको बसोबास रहेको छ ।
