गुल्मी । गुल्मीको रेसुङ्गा नगरपालिकाले यस वर्षको एसईई परीक्षामा ३.२ जिपीए भन्दा माथि अङ्क ल्याई उत्तीर्ण भई प्लस- टु पढ्न चाहने विद्यार्थीहरूलाई छात्रवृत्ति स्वरुप मासिक ४ हजार रुपैयाँ उपलब्ध गराउने भएको छ ।
एसइई पछि उच्च शिक्षाकालागि जिल्ला बाहिर जाने विद्यार्थीको संख्या बढेको र त्यसैलाई कम गर्न नगरपालिकाले सो निर्णय गरेको रेसुङ्गा नगरपालिकाका सूचना अधिकारीले अनलाइन सरोकारलाई बताए ।
उनले भने “यहाँका विद्यालय खाली भए शिक्षाकालागि बसाइसराइ बढ्यो त्यसैले जिल्ला भित्रका विद्यालयलाई प्रवर्द्धन गर्ने उद्देश्यले सो निर्णय गरिएको हो” ।
