![](https://onlinesarokar.com/wp-content/uploads/2020/06/corona_lab_IG97TsDnWU.png)
काठमाडौं । नेपालमा कोरोना संक्रमणबाट थप एकजनाको मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले सोमबार थप १ जनाको कोरोना संक्रमणबाट मृत्यु भएको पुष्टि गरेका हुन् ।
मन्त्रालयका अनुसार बागलुङका २९ वर्षीय पुरुषको कोरोनाबाट आइतबार मृत्यु भएको थियो । भारतबाट फर्किएका उनी ढोरपाटन नगरपालिकाको क्वारेन्टाइनमा रहेका थिए ।
उनी भारतबाट क्षयरोगको उपचार गरी फर्किएका थिए । यो सँगै नेपालमा कोरोनाबाट मृत्यु हुनेको संख्या ३५ पुगेको छ ।