सुनसरी । फोहोर व्यवस्थित गर्न धरान उपमहानगरपालिकाले विभिन्न मापदण्डहरू बनाएको छ ।
नगर कार्यपालिकाको बैठकले फोहोर व्यवस्थापनमा वाधा पुर्याउनेलाई ५०० देखि ५० हजारसम्म जरिवाना गराउने निर्णय गरेको छ ।
नगरसभाको निर्णय नम्बर १६ मा उल्लेख गरिए अनुसार नगरपालिकाले निर्धारण गरेको स्थानमाबाहेक अन्यत्र फोहोर फोहोर निष्काशन गर्नेलाई ५ हजार र उपमहानगरले संकलन गरेको फोहोरलाई अनाधिकृत रुपमा प्रयोग गर्नेलाई ५०० रुपैयाँ जरिवाना गराउने निर्णय गरेको छ ।
त्यस्तै, रासायनिक फोहोरमैला, औद्योगिक फोहोरमैला वा हानिकारक फोहोरमैला जथाभावी फाल्ने तथा जलाउनेलाई र औद्योगिक प्रतिष्ठान वा स्वास्थ्य संस्थाले उद्योग वा स्वास्थ्य संस्थाबाट निस्किने हानिकारक फोहोर जथाभावी फालेमा वा निष्काशन गरेका ५०/५० हजार जरिवाना तिराउने निर्णय गरेको छ ।
नगरपालिकाका अनुसार वातावारण तथा प्राकृतिक स्रोत संरक्षण ऐन २०७७ को दफा ५२ को उपदफा ५३ अनुसार कारबाहीको व्यवस्था गरिएको हो ।
