पाल्पा । गाउँमा भिडियो एक्सरे सेवा नहुँदा पाल्पाको निस्दी गाउँपालिकाका गर्भवतीलाई सदरमुकाम तानसेन तथा रामपुर धाउनुपर्ने बाध्यता थीयो । भिडियो एक्सरे सेवा लिन एक दिन पुरै बिताउन पर्ने समस्या यतिबेला टरेको छ ।
निस्दी गाउँपालिकाले गर्भवतीलाई लक्षित गरी निःशुल्क ग्रामीण भिडियो एक्सरे सेवा सञ्चालन गरेको छ। पलिकाका सातवटै वडामा रहेका स्वास्थ्य चौकीमार्फत प्रत्येक महिना एक दिन सेवा दिन थालिएको उपाअध्यक्ष तीरन कुमारी श्रेष्ठले जानकारी दिइन् ।
उनका अनुसार यही भदौ ११ गतेदेखि उक्त सेवा सुरु गरिएको हो ।
गाउँकै स्वास्थ्य चौकीबाट सेवा पाउँदा स्थानीयलाई ठूलो राहत मिलेको छ । यसअघि तानसेन र रामपुर धाउँदा यातायात, बास बस्नेलगायत समस्या थिायो ।
