ओखलढुंगा । ओखलढुंगामा ट्रक दुर्घटनाहुदाँ चालकको घटनास्थलमै मृत्यु भएको छ । विहिबार बिहान करिब ४ः३० बजेको समयमा काठमाडौँबाट सोलु तर्फ जाँदै गरेको ट्रक ओखलढुंगाको सिद्धिचरण नगरपालिका वडा नं ८ सेतीदेवी मन्दिर नजिकै दुर्घटना हुँदा चालकको घटनास्थलमै मृत्यु भएको हो ।
सोलुखुम्बु स्थित सोलुखोला बेनी हाईड्रोको सामान बोकेको बा ३ ख ९६ नम्बरको ट्रक दुर्घटना हुँदा ट्रकका चालक दोलखाको जिरीका २४ वर्षीय नवराज कार्कीको घटनास्थलमै मृत्यु भएको जिल्ला प्रहरी कार्यालय ओखलढुंगाका प्रहरी निरिक्ष मिलन सिंह बस्नेतले जानकारी दिए । ट्रक सडकबाट करिब १ सय मिटर तल खसेको छ ।
