कैलाली। नागरिकलाई आवतजावतमा सहजताकालागि टीकापुर नगरपालिकाले खाल्डाखुल्डी पुर्न थालेको छ । नगरपालिकाले खाल्डाखुल्डी र हिलाम्मे भएर आवतजावतमा समस्या भएका सडक मर्मत गरिरहेको जनाएको छ ।
नगरपालिकामा धेरै सडक आजभोलि हिलाम्मे र खाल्डाखुल्डी छन् । त्यसैलाई ध्यानमा राखेर नगरपालिकाले आफ्नै सवारीसाधन र जनशक्ति प्रयोग गरेर सडक मर्मतजस्ता कार्य गरिरहेको छ ।
नागरिकको माग र आवश्यकता हेरेर सडक मर्मत गर्ने कार्य गरिरहेको नगरप्रमुख रामलाल डगौरा थारूले बताए । उनका अनुसार नगरले सडक निर्माणकालागि बजेट छुट्टाएको र वर्षायाम सकिए लगतै सडक निर्माणको काम सुरु हुने छ ।
