बागलुङ। कृषि उत्पादनमा आत्मनिर्भर बन्न ताराखोला गाउँपालिकाले कृषकलाई भत्ता दिने निर्णय गरेको छ ।
गाउँपालिकाले बाँझो जमिनमा खेतीपाती गर्न कृषक प्रोत्साहन कार्यक्रम ल्याएको गाउँपालिकाका प्रमुख धन बहादुर बि.कले जानकारी दिए । उनका अनुसार पहिलो चरणमा गाउँपालिका भित्रका रहेका सहिद परिवार, घाइते परिवारले बाँझो जमिनमा खेती गरेबापत प्रतिरोपनी रु दुई हजार पाउने छन् ।
गाउँपालिकाले तथ्यांक तयार गर्ने र सोही अनुरूप भत्ता वितरण गर्ने अध्यक्ष बि.कले जानकारी दिए । ताराखोला क्षेत्रमा पहिले पनि परम्परागत शैलीबाटै खेतीपाती हुँदै आएको छ । कृषकलाई आधुनिक प्रविधिसँग जोड्न र कृषिलाई यान्त्रिकरण गर्नतर्फ पनि गाउँपालिकाले जोड दिएको छ ।
