ओखलढुंगा । नेकपा एमालेले ओखलढुंगाको घोराखोरीमा शनिवार बृहत चुनावी सभा आयोजना गर्ने भएको छ । मंसिर ४ गते हुने निर्वाचनलाई लक्षितगर्दै एमालेले घोराखोरीमा शनिवार सभा आयोजना गर्ने भएको हो ।
सभालाई एमालेका उम्मेदवार र शीर्ष नेताहरुले सम्बोधन गर्नेछन् ।
कार्यक्रममा पार्टीका केन्द्रीय सदस्य तथा संघका उम्मेदवार यज्ञराज सुनुवार, केन्द्रीय सदस्य, जिल्ला इन्चार्ज तथा प्रदेशसभाका समानुपातिक उम्मेदवार किशोर अधिकारी, प्रदेश ख का प्रत्यक्ष उम्मेदवार ज्ञानबहादुर खड्का जिवी लगायत नेताहरुले सम्बोधन गर्ने नेकपा एमालेका नेता सुरेश थापाले बताए ।
एमालेले विगतमा गरेका काम र आगामी योजना लिएर जनताका बीचमा जाने भएकाले ठुलो शक्ति प्रदर्शन गरेर तामझामका साथ सभाहरु गर्ने यसवर्ष कार्यसूचि नरहेको नेकपा एमालेले जनाएको छ ।
