ओखलढुंगा । ओखलढुंगाबाट प्रतिनिधिसभा सदस्यमा कांग्रेसका रामहरि खतिवडाले शानदार जित निकालेका छन् ।
बाम–लोकतान्त्रिक गठबन्धनका उम्मेदवार कांग्रेसका केन्द्रीय सदस्य खतिवडा निवर्तमान सांसद यज्ञराज सुनुवारलाई ६ हजार ८ सय १८ मतान्तरले पराजित गर्दै विजयी भएका हुन् ।
जिल्लाका सबै ८ वटै पालिकाबाट अग्रता लिएका खतिवडाले अन्तत: शानदार जित निकालेका छन् ।
खतिवडाले ३३ हजार ५ सय ५६ र सुनुवारले २६ हजार ७ सय ३८ मत ल्याएका छन् ।
२०७४ को निर्वाचनमा खतिवडालाई ५२५३ मतले पराजित गर्दै सुनुवार विजयी भएका थिए । २०७४ मा चुनाव हारेरपनि निरन्तर राजनितिमा सकृय खतिवडाले ५ वर्षपछि सुनुवारसँग बदला लिएका छन् ।
ओखलढुंगाका २ प्रदेशसभामा समेत कांग्रेस-माओवादीका साझा उम्मेदवार विजयी भएका छन्। १ मा कांग्रेसका प्रदीप सुनुवार र २ मा माओवादीका बाबुराम गौतमले चुनाव जितेका छन्।
