ओखलढुंगाको ज्यामीरेस्थित कुन्ता माविमा विद्युतिय हाजिरी जडान गरिएको छ । विद्यालयलाई प्रविधिमैत्री बनाउने अभियान अन्तरगत सिद्धिचरण नगरपालिका वडा नंं ९ को वडाभित्रको एक मात्र माध्यमिक तहको विद्यालययमा विद्युतिय हाजिरी जडान गरिएको हो ।
सिद्धिचरण नगरपालिकाको सहयोगमा मेसिन जडान गरिएकाे हाे ।
शिक्षकको नियमितता र समयअवधिभर पठनपाठन गराउन विद्युतिय हाजिरीले सहयोग पुग्ने अपेक्षा गरिएको वडाअध्यक्ष गुणबहादुर खड्काले अनलाइन सराेकारसँग बताए । वडाभित्रका सबै विद्यालयलाई प्रविधिमैत्री बनाउने लक्ष्य रहेको उनको भनाई छ ।
