ओखलढुंगा । ओखलढुंगाको सुनकोशी ९ कटुञ्जेमा ३ महिने आधारभूत कम्प्युटर तालिम सुरु भएको छ । सुनकोशी वडा नं. ९ र घरेलु तथा साना उद्योग विकास कार्यालय, ओखलढुंगाको संयुक्त आयोजनामा आजबाट तालिम सुरु भएको हो ।
कोषहाटमा एक औपचारिक कार्यक्रम गरेर तालिम सुरु गरिएको छ । कम्प्युटर सम्बन्धि सीप अनिवार्य भइसकेकाले गाउँघरमा रहेका युवाहरुलाई सहज रुपमा आधारभुत कम्प्युटर सीप सिकाउन तालिम आयोजना गरिएको वडाअध्यक्ष हितराज कार्कीले बताए । अध्यक्ष कार्कीका अनुसार तालिम चैत्र १७ गतेसम्म सञ्चालन हुनेछ ।
तालिममा स्थानीय युवाहरुले सहभागिता जनाएका छन् । गाउँमै कम्प्युटर सिक्न पाएपछि युवाहरु खुसी भएका छन् । यसअघि स्थानीयले सदरमुकाममा महिनाैं बास बसेर महंगाे शुल्क तिरर कम्प्युटर सिक्नुपर्ने बाध्यता थियाे ।
तालिम उद्घाटन कार्यक्रममा पूर्व सांसद यज्ञराज सुनुवार, एमालेका नेता जिवी खड्का, निवर्तमान तथा वर्तमान जनप्रतिनिधि लगायत उपस्थित थिए ।
