दोलाखाको वैत्यश्वर गाउँपालिकाका अध्यक्ष छवि लामाले पालिका भित्रका सबै सडक पिच गर्ने योजना अघि बढाएका छन् । अघिल्लो कार्यकालमा पाउँपालिका र वडाका प्रशासनिक भवन निर्माण गरेका लामाले दोस्रो पटक निर्वाचित भएपछि सडक पिच गर्ने महत्वकांक्षी योजना अघि सारेका हुन् ।
संघ र प्रदेश सरकारसँग योजना माग गर्ने यदि माथिल्ला सरकाबाट बजेट प्राप्त नभए गाउँपलिकाकै बजेटले मुख्य सडकहरु पिच गर्ने अध्यक्ष लामाको भनाई छ । ‘पहिलो कार्यकालमा जनताका सबै काम गरेँ र प्रशासनिक भवनहरु निर्माण गरेँ । अब यो कार्यकालमा कृषिलाई व्यवसायिक बनाउने लक्ष्य पनि छ र पालिका भित्रका सबै मुख्य सडक त जसरी पनि पिच गर्छु ।’ लामाले अनलाइन सरोकारसँग भने, ‘संघ र प्रदेशले यदि बजेट दिएनन् भने पनि पालिकाकै बजेटले सडक पिच गर्ने मेरो योजना छ ।’ ग्रामिण सडकहरु स्तरोन्नती गरिसकेर कालोपत्रेको योजना अघि बढेको अध्यक्ष लामाले बताए ।
