मोरङ । मोरङको ग्रामथान गाउँपालिकाले थारु संस्कारलाई प्रवद्र्धन गर्ने भएको छ । गाउँपालिकाले चालु आर्थिक वर्षमा पर्यटन प्रवद्र्धनको क्षेत्रमा थारु संस्कार, परिकार र भेषभूषाका प्रवद्र्धन गर्ने भएको हो ।
पर्यटन प्रवद्र्धनका लागि गाउँपालिका भित्र रहेका मठ, मन्दिर मस्जित, गुम्बालगायतको संरक्षण, प्रवद्र्धन र प्रचारसँगै स्थानीय जातिय भेषभूषाको संरक्षण, थारु होमस्टे सञ्चालन, होमस्टे प्रवद्र्धनका लागि सहुलियत ऋणको व्यवस्था गर्ने कार्यक्रम राखिएको गाउँपालिका अध्यक्ष जय प्रकास गच्छदार थारुले बताए । थारु परिकार, थारुका पहिरन, संस्कार भेषभूषालाई विशेष संरक्षण र प्रचार गरिने अध्यक्ष थारुको भनाई छ ।
ग्रामथानलाई पर्यटकीय क्षेत्रको रुपमा विकास गर्न गाउँपालिका जुटेको छ ।
नागरिकको माग र आवश्यकताका आधारमा कृषि, शिक्षा, स्वास्थ्य र सरोकारका विषयमा काम गरिने अध्यक्ष थारुले बताए । अध्यक्ष थारुसँग अनलाइन सरोकारले गरेको अन्तरवार्ता हेर्नुहोस् ।
