झापा । कोशी प्रदेश नामकरणको विरोधमा भएको प्रदर्शनमा घाइते भई मृत्यु भएका पदक लिम्बु लाजेहाङको परिवारलाई कोशी प्रदेश सरकारले ३ लाख रुपैयाँ उपलब्ध गराउने निर्णय गरेको छ ।
कोशी प्रदेश मन्त्री परिषद्को आज बसेको बैठकले विराटनगरमा भएको विरोध कार्यक्रममा सहभागी लिम्बूको निधन प्रति गहिरो दुःख व्यक्त गरेको छ ।
मन्त्री परिषद्को बैठकले घटनाको सम्बन्धमा नेपाल सरकारद्वारा गठित छानबिन समितिलाई सहजीकरण गर्ने निर्णय गरेको छ । बैठकले प्रदेश प्रशिक्षण प्रतिष्ठान, को निर्देशकमा प्रदेश सचिव कृष्ण सापकोटा लाई जिम्मेवारी दिएको छ ।
बैठकले प्रदेश वातावरण संरक्षण ऐन २०७६ र प्रदेश वन ऐन २०७७ विधेयक प्रदेश सभामा पेस गर्न स्वीकृति प्रदान गर्ने निर्णय गरेको छ ।
