२०८१, ५ श्रावण शनिबार | Sat Jul 20 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

मेलमिलापकर्तालाई तालिम दिएर काममा खटाउँदै सुनकाेशी



ओखलढुंगा । सुनकोशी गाउँपालिकाका मेलमिलापकर्तालाई क्षमता अभिवृद्धि तालिम दिइने भएको छ ।
न्यायिक कार्यलाई छिटो–छरितो, पारदर्शी र सर्वसाधारणको पहुँचमा पु¥याउन गाउँपालिकाले मेलमिलापकर्ताको क्षमता अभिवृद्धि तालिम दिने भएको हो ।

चैत्र २३ गतेदेखि २६ गतेसम्म तालिम गाउँपालिकाको सभाहलमा पुनर्ताजगी तथा क्षमता अभिवृद्धि तालिम सञ्चालन गरिने गाउँपालिका उपाध्यक्ष सुनिता अधिकारीले बताइन् । तालिम दिएर कामकाे थप जिम्मेवारी दिँदा मेलमिलापकर्ताकाे काम प्रभावकारी हुने उनकाे भनाई छ ।

गाउँपालिकाले सूचना जारी गर्दै छनोट भएका मेलमिलापकर्ताहरुलाई अनिवार्य उपस्थित हुन भनेको छ । तालिममा मेलमिलापकर्ताहरुलाई विवाद छिनोछानो गर्ने तौरतरिका, ऐन कानुन र व्यवहारिक बिषयबारे जानकारी गराइनेछ ।

न्यायिक समिति गठन भएपछि स्थानीयस्तरमै समाधान हुने विवादको छिनोफानो हुदा सर्वसाधारण लाभान्वित हुँदै आएका छन् ।
स्थानीय सरकार सञ्चालन ऐन, २०७४ को परिच्छेद १० मा न्यायिक समितिले १३ देवानी प्रकृतिका र ११ मेलमिलापका माध्यमबाट विवाद निरुपण गर्ने अधिकार दिएको छ ।

प्रकाशित मिति : २०७९, २२ चैत्र बुधबार ००:००  १ : २४ बजे