काठमाडौं । बूढानिलकण्ठ १२ ले न्यायिक सेवालाई थप व्यवस्थित र विस्तारित बनाएको छ । वडा स्तरीय न्यायिक समिति स्थापना गरेर काम गर्दै आएको बुनपा १२ ले मेलमिलापकर्ताका माध्यमबाट वडाबासीलाई निःशुल्क न्यायिक सेवा दिने व्यवस्था मिलाएको हो ।
सेवालाई सहज बनाउँदै न्यायमा नागरिकको पहुँच बढाएर सुशासित समाज निर्माणका लागि नीतिगत रुपमा काम सुरु गरिएको वडाअध्यक्ष शम्भुप्रसाद भटराईले बताए । वडा कार्यालय मातहतमा रहनेगरि स्थापित मेलमिलाप केन्द्रमा तीन जना सदस्यीय समिति बनाएर जिम्मेवारी दिइएको वडाअध्यष भटराईको भनाई छ ।
मेलमिलाप केन्द्रमा अधिवक्ता निशाना गौतम तथा मेलमिलापकर्तामा खडानन्द लुइँटेल र सावित्री ढकाल सदस्य छन् ।
उक्त समितीले नेपाल ऐन संग्रहको खण्ड १७,२०७९ को परिच्छेद ८ को दफा ४६ र ४७ को उपदफा १ र २ को अधिनमा रहेर काम गर्ने जनाईएको छ ।
