ओखलढुंगा । नागरिकता विधेयक प्रमाणीकरण विरुद्ध ओखलढुंगामा विरोध प्रदर्शन भएको छ । राष्ट्रिय युवा संघ नेपाल र अनेरास्ववियु ओखलढुंगाले संयुक्त रुपमा विरोध प्रदर्शन गरेका हुन् ।
यहि जेठ १७ गते राष्ट्रपति रामचन्द्र पौडेलले प्रमाणीकरण गरेको नागरिकता विधेयक संविधान विपरित भएको भन्दै सोमबार जिल्ला सदरमुकाममा पार्टीका नेता, कार्यकर्ता तथा युवाहरुले नाराबाजी गर्दै विरोध गरेका छन् ।
प्रर्दशनका क्रममा उनीहरुले नेपाली लेण्डुपहरु मुर्दावाद, राष्ट्रघाती नागरिकता विधेयक प्रमाणीकरण खारेज गर, सुशासन कायम गर लगायतका नारा र ब्यानर बोकी प्रदर्शन गरेका थिए ।
सदरमुकामको गणेश टोलमा कोणसभा गर्दै युवा संघ र अनेरास्ववियुका युवा नेताहरुले विधेयक प्रमाणीकरण खारेज हुनुपर्ने माग गरेका थिए ।
राष्ट्रपति पौडेलले संविधान मिचेर विधेयक पास गर्नु राष्ट्रघाती कदम भएकोले विधेयक खोरजीको विकल्प नरहेको अनेरास्ववियु स्थायी कमिटि सदस्य गोपाल नेपालले बताए ।
नागरिकता विधेयक जस्तो गम्भीर बिषयबारे संसदमा छलफल समेत नगरि पास गरिनु आफैमा विरोधाभासपूर्ण रहेको राष्ट्रिय युवा संघ नेपाल जिल्ला कमिटि ओखलढुंगाका संयोजक बिनोद खत्रीको भनाई छ ।
आन्दोलनका कार्यक्रमलाई निरन्तरता दिइने ओखलढुंगाका एमाले सम्बद्ध युवा नेताले बताएका छन् ।
