२०८१, ५ श्रावण शनिबार | Sat Jul 20 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

जुम्लालाई ‘टुरिजम हव’ बनाउँदै चन्दननाथ नगरपालिका

१५ शैयाको आयुर्वेद अस्पताल निर्माण हुने



चन्दननाथ नगरपालिकाले जुम्लालाई पर्यटकीय हव बनाउने नीति ल्याएको छ । परम्परागत धर्म, संस्कृति, कला, लोक संगित, पुरातात्विक सम्पदाहरुको संरक्षण गर्नका लागि विषेश नीति तथा कार्यक्रम तर्जुमा गरी जुम्लालाई पर्यटन स्थल (टुरिजम हव) को रुपमा विकास गरिने भएको हो ।

नेपाली भाषको उद्गम भाषाको रुपमा रहेको जुम्ला जिल्लालाई पर्यटकीय गन्तव्यको रुपमा पहिचान गर्न खस भाषाको संरक्षण र सम्वद्र्धन गर्दै नगर क्षेत्रमा रहेका सम्पदाहरु चन्दननाथ, भैरबनाथ मन्दिर, ठाकुर ज्यू, डुडुल चैत्य, गणेश गुफा, खानसाँघु लगायतका पर्यटकीय पूर्वाधारको विकास र प्रचारप्रसार गरिने नगरप्रमुख राजुसिंह कठायतले बताए । थप पर्यटकीय क्षेत्रको पहिचानका लागि सम्भाव्यता अध्ययन गर्ने नीति पास गरिएको प्रमुख कठायतको भनाई छ ।

चन्दननाथ नगरपालिकाले काठमाडौं महानगरपालिको सहयोेग र सहकार्यमा निर्माण भईरहेको धिमि पार्क निर्माण सम्पन्न गर्ने भएको छ । आगामी वर्ष धिमि पार्क वरिपरि निर्माण भएको साईकल ट्रयाकलाई व्यवस्थित गरिने भएको छ ।

ललितपुर महानगरपालिकाको सहयोग र सहकार्यमा चन्दनाथ र भैरवनाथ मन्दीर परिसर कलात्मक प्रवेशद्धारा र गणेश मन्दीरको निर्माण गरिने भएको छ ।

सबै काम परिणाममुखी र नतिजामा आधारित बनाउने नीतिका साथ आगामी वर्षको प्राथमकिता निर्धारण गरेर नीति कार्यक्रम र बजेट ल्याइएको नगरपालिकाले जनाएको छ ।

१५ शैयाको आयुर्वेद अस्पताल निर्माण गर्ने र आयुर्वेदीक चिकित्सालाई बढावा दिइने नीति समेत चन्दननाथले पास गरेको छ ।

चन्दननाथ नगरपालिकाले जुम्लामा ब्लड बैंक समेत स्थापना गर्ने भएको छ ।

हेर्नुहाेस् चन्दननाथ नगरपालिका जुम्लाकाे आगामी वर्षकाे नीति तथा कार्यक्रम

प्रकाशित मिति : २०८०, १८ असार सोमबार ००:००  ८ : ४६ बजे